(ضخامة الرئيس)____أنتَ يا عمي أبو كرش الدبلبسْ..كافي بوك وكافي هزلخلي أبكصتك نكَطة خجلأنت ما تصلح للرياسةكَلب ميّت فاقد إحساسه
شعارك " طماطة" أتصير كلشي
وما ترفض عزيمة ودوم تمشي
تشرب لبن بربيل..
وبالنجف تاكل الطرشي
وبرياني سويت الرياسة
كَلب ميت فاقد إحساسه
(رئيس البرلمان)
فرّحتنه أول أيامك كلش عنيد
صفكَنه وكَلنه هذا أبو التجديد
تالي أغركّت بالهبيط وبالثريد
رخيت ومنّك باكَو المفتاح
راحت وعودك وتبخّر الإصلاح
أَذَكْرَكْ..من رحت للسرداب أيسنه منّك
صرت معكّود إلسان.. والملف مو يمّك
وصرت أويلفساد أحباب تشمّه ويشمّك
صرت راخي أوبلاية إسلاح
راحت وعودك وتبّخر الإصلاح
(رئيس الحكومة)
من تصفيط الحجي ملينه وصار عدنه أكَرون
ثمن إسنين نطحن حصو وأنتم تلطمون
ماشفنه منكم رِجه وبالمباشر تتعاركون
ضيعتوا العراق وصار دولة موز
ثلث الشعب شارد والبقيّة إبعوز
الشعب جايع، والنهر ناشف وتصيح عندي إنجاز
وين مليارات النفط وفلوس التمر و الغاز؟
حكَك تماديت..
و ما تعرف ثورات الشعب لو عاز
السحر عالساحر ينكَلب ماتنفع أحروز
ثلث الشعب شارد والبقيّة إبعوز
( الحكومة والبرلمان)
حكومة يتامى وماتدري وين أتريد
إونص البرلمان أمي ومايفتح بريد
مهمتهم يلطمون ويلعنون أبيزيد
والبلد خان أجغان صاير
لا هو حاط ولا هو طاير
لا هو حاط ولا هو طاير.
برلمان إلتم بالطلاسم والتداريج
شروطه اللطم...
والفزعة أبركضة أطويريج
وشعاره: كره الشعب والأخ والصديج
حافي الشعب والأعضاء يتفرجون
نفس الوجوه (القبيحة)...
أيروحون ويرجعون
ليست هناك تعليقات:
إرسال تعليق